Beng-chin

Chá-khí kah cc kiâⁿ lō͘ khì ha̍k-hāu ê lō͘--lih BC: m̄ sī ta̍kê lâng(chèng-siông-lâng) lóng ē ji̍p-khì cheng-sîn pēⁿ īⁿ. CC: ē keng-kòe. BC: ???? ( ！！！) XD XD XD

故事主角是雙生仔，‘’予大人認為‘’無乖--ê半暝醒過來看著伊的襪仔滇滿滿，毋閣乖--ê彼个襪仔soah空空。 無乖--ê kā伊的禮物分一半， lok入去乖--ê 襪仔。 隔轉工，無乖ê leh開禮物，襪仔上內底ke 一粒「乖囡仔」徽章。 伊足歡喜紮牢牢，毋過彼粒徽章，只有伊一人知影。 感覺是寫予大人看 ê 故事。若講hō͘細漢囡仔聽，應該會真佮意

社區 後尾門 ê 碗公花，其實chiah細蕊，真古錐❤️

Kin-á-jit khì chiong-hòa chhiong-tiān, thàu-chá 7tiám gōa chhut-mn̂g, khiâ 40huncheng ê chhia-têng kàu Hô-bí. Góa lâng chi̍t-ē kàu o͘-ji̍t chiong-hòa kau-kài, sûi kám-siū khì-tiûⁿ thong-thàu, sim-chêng sûi tòe leh chheng-sóng. Sim-lāi mā sûi phû chhut chiâⁿ-si̍t ê kám-siū: Tâi-tiong khak-khak-si̍t-si̍t hoān-tio̍h tē-kài, khì-tiûⁿ oân-choân sī siū sok-pa̍k kah pháiⁿ-mih-á u-jiám--kòe--ê. Kî-si̍t góa tùi Chiong-hòa it-ti̍t lóng chin chheⁿ-hūn, tō sǹg kúi-nā ê góa kah-ì--ê Tâi-gíhó-pêng-iú lóng Chiong-hòa-lâng, góa tùi chit ê siâⁿ-chhī iáu-sī chiok chheⁿ-hūn--ê chheⁿ-hūn. M̄-koh kiàn-pái lâi kàu Chiong-hòa lóng hō͘ góa chiok pêng-chēng koh chhin-chhiat ê kám-siū. Siūⁿ khí siăn-pái kóng lán Tâi-oân loān-loān ê ke-lō͘ kéng-koan, he chiok súi--ê góa mā sī án-ne kám-kak. He tō sī lán Tâi-oân. Chit-má góa tòa ê peng-léng ê siâⁿ-chhī, ta̍k hāng lâng-kang ê chéng-chê, bô-chêng kah hō͘ góa khí-mo͘ ū-kàu bái--ê bái... Ji̍t-pún chéng-chê, soah ū un-tō͘, ah Tâi-tiong....Kám-kak chin bô tùitâng....

Kin-á-ji̍t e-po͘ beh chiap cc pàng-o̍h chìn-chêng, i ê ōe-pit góa iā kah chi̍t-sì-kè, kóaⁿ beh chiap--i, koh siūⁿ tio̍h: 「 Bē-sái！Tńg--lâi nā hō͘ i chit ê  kiông-pek-chèng--ê khòaⁿ tio̍h góa bô siu pit, it-tēng ē hō͘ i mē kah beh sí」 kóaⁿ-kín chiàu sek-chúi sūn-sī khioh hō͘ hó, sim-chêng mā tòe leh hó--khí-lâi. M̄-koh, kî-koài neh, góa chit ê chò lâng lāu-bú--ê, soah ē kiaⁿ ka-kī ê gin-a siūⁿ-khì, án-chóaⁿ siūⁿ tō koài-koài. Chit chiah sió pō-liōng chin-chiàⁿ kah i e papa pà-ông-liông kāng-khoánhō͘ lâng kiaⁿ-hiâⁿ. M̄-koh, góa nā siūⁿ-khì, nn̄g chiah liông lóng bô beh hiù--góa, góa sī ū chiah pháiⁿ-miā sī-m̄....Orz Nā chhī tio̍h thiⁿsài hó-io-chhī ê gín-á, sī lâi pò-un--ê. Ah chhiūⁿ gún cc chit khoán--ê, tō sī lâi thó-chè--ê. Khòaⁿ tio̍h i bē-su khòaⁿ tio̍h chè-chú kāng-khoán, kan-ta siūⁿ beh kha-té boah iû, mài khòaⁿ tio̍h siōng hó.  Sī kóng, siu ōe-pit hō͘ góa kín-tiuⁿ chit kiāⁿ tāi-chì, mā sī thâu-chi̍t piàn, kám-kak ài chhiò, chò chi̍t-ē-á kì-lio̍k. : )

Tú-chiah kā sèng-tàn boe̍h-á siu ji̍p-khì siuⁿ-á. Bc: Lí kám chai-iáⁿ sèng-tàn lāu-lâng ùi tó-ūi lâi--ê? Cc: Góa it-ti̍t hoâi-gî sī koán-lí-goân..M̄-koh siūⁿ bô i án-chóaⁿ ji̍p-lâi--ê(Khǹg lé-bu̍t tī sèng-tàn boe̍h-á) Bc: Lí chin-chiàⁿ m̄ chai sèng-tàn lāu-lâng sī siáng? Cc: Góa 9hòe ê sî tāi-khài tō chai-iáⁿ--ah. Bc: Lí 9hòe sèng-tàn lāu-lâng kám ū sàng lí lé-bu̍t? Cc: Ū--ah, niau-á. Bc: ????? Siáⁿ-mih niau-á, góa beh khòaⁿ. Cc ùi pâng-keng the̍h chit chiah chhut-lâi. Bc: Che kám m̄ sī góa khì Tâi-pak(Tâi-oân phok-bu̍t-koán chhut-chhai) bé tńg-lâi sàng hō͘  lí--ê? Cc: Hĕⁿ (Ba̍k-thâu kat-kat thâu oai chi̍t pêng siūⁿ bô, che kám m̄ sī sèng-tàn lāu-lângsàng--i--ê？) (góa mā siūⁿ bô kám m̄ sī góa chhin-chhiú the̍h hō͘ i ê lé-bu̍t?????) Bc: Só͘-í lí chin-chiàⁿ m̄ chai sèng-tàn lāu-lâng sī siáng? Cc chhiò kah chin kî-biāu, kan-na chai koh káⁿ-ná m̄ chai.  Cc: Mă, lí tú-chiah tàu-té leh mn̄g siáⁿ??? Góa m̄ chai lí ê ì-sù. (Chiok siūⁿ beh chai-iáⁿ) Bc: Hăⁿ, góa mā bē-kì-tit--ah ^^" (T...

Pún-chiâⁿ góa siūⁿ kóng lán chit tāi bô kái-piàn siáⁿ, té-té kúi-nā tang, í-keng thâu chi̍t keng Tâi-gí kok-hāu--ah....Lán kám sī m̄ sī ē-tàng ǹg-bāng, kok-kip kàu-io̍k kai-tōaⁿ lóng ū Tâi-gí ha̍k-hāu, kàu Tâi-gí tāi-ha̍k. Tâi-gí ê khó-chhì seng-ha̍k thé-chè...Chiok ǹg-bāng, Tâi-oân-lâng ê seng-oa̍h, koh chài chit ê thó͘-tē hoân-êng khui-hoe--chhut-lâi.

這漫畫誠唌人目！台華雙語 ê 台北 高中生，去拄著外星美少女，想辦法chhōa伊揣著轉厝 ê 方法。 細節lóng是台灣 ê 風景，予我熟似 ê 『既視感』，透過高中生講這个故事，加足好看！ 短短ê單行本，有趣味，閣有鹹酸苦汫。予我真意外。意外 ê 新台灣 青春 ê 氣味。 《外星少女回家攻略》

聽講劍獅會予人考試著狀元，看著這隻對我微微仔的獅仔，足想欲嘛kā𤆬轉去。(毋是！！)

我將khǹg 2 暝 ê 衫 ùi 烘衫機péng出來，閣抾著 2箍(阮兜無人leh用現金，檢采是我袂記得提出來--ê)，送hō͘CC，CC佇我kā衫收入thàng-suh ê 時kā2箍包佇襪仔講足好耍叫我看。 我：錢莫提來耍，ài收予好才會好額做『好野人』。 CC：我攏收kah足好的，你看！Chia ū saⁿ-chheng-kho͘ (隨ùi對面伊 ê 房間提錢包仔開開予我看，夭壽！收kah遐整齊！！！比我較好額jî-chhiáⁿ kò-sèng mā Chiok『好野』...) 我：你嘛收kah siuⁿ 媠--ah (Chi̍t-ê chîⁿ phah 24 ê kat, lóng bô leh khai, khòaⁿ súi--ê...) 我：借我翕，我欲囥網路展你足好額。啊你錢包仔佗位來--ê？(無啥印象...) Cc：好啊！(錢包是)你予我--ê。 (我無印象neh...Mkoh足適合cc) 我：你今仔日thài雄雄掛手鍊，心情無好喔？ Cc：啊就(用Kí-cháiⁿ比我) 我：我無佇咧你無歡喜喔？毋過我足歡喜--ê neh！(CC笑笑閣受氣假做欲kā我舂) 我學足濟智識閣有足濟台語！(心滿意足) 我 ê CC，大漢毋知會變啥款。應該會足歹對付--ê(？) 我古錐閣活潑 ê ，寶貝查某囝

毋知啥原因，看逐家lóng咧改日本名。 若欲皇民化，我嘛來chhap--一跤。 我 ê 名欲號做 「理伊敏陣 (りいびんじん)」。 ( ￣▽￣)σ

毋知啥原因，看逐家lóng咧改日本名。 若欲皇民化，我嘛來chhap--一跤。 我 ê 名欲號做 「理伊敏陣 (りいびんじん)」。 ( ￣▽￣)σ

囝毋chhap爸母事，必 iú 其中 ê 緣故咱無了解，對爸母有怨慼、抑是有無法的苦衷。 事業做愈大、儉愈濟錢敢誠實會較快活？囝兒無願意轉來身邊，kám有較縒？ 無錢有無錢ê快樂，有錢有有錢 ê 艱苦。

Cha-hng pài-gō͘ sī cc ha̍k-hāu ūn-tōng-hōe, chêng iù-tī-hn̂g gún tō lóng ē khì chham-ka. Chit piàn tú-tio̍h hông-chai-sū pôe-hùn bô hoat chham-ka. Cc chiok siūⁿ-beh góa khì khòaⁿ i thiàu tōa-hōe chhau kah sòa-cháu. Chai góa ê lióng-lân, i kóng: Bô iàu-kín, lí ē-tàng khòaⁿ ti̍t-pò. Chhut-mn̂g sî iáu koh thê-chhéⁿ góa 1piàn, ū ti̍t-pò thang khòaⁿ : ) --- góa choan-sim siōng-khò, tńg--lâi papa kóng kin-á-ji̍t cc hông pà-lêng, khòaⁿ i ū siūⁿ-beh kóng--bô. Bc: Án-chóaⁿ hông pà-lêng? Cc: Ah tō góa cháu siuⁿ bān, sòa-cháu liáu chiok chē tông-o̍h ûi kòe-lâi koài góa cháu siuⁿ bān hāi in pan lo̍k-tē (Ī-sài sī tē jī miâ, jî-chhiáⁿ sī in-ūi ū lâng poa̍h-tó ka bió-sò͘, chèng-sek-pí-sài tē 3 miâ) bc: Ah lí hō͘ kúi ê lâng jiok kòe? Cc: 2 ê. Bc: Lí kin-á-ji̍t cháu khah bān? Cc: Pêng-siông tō lóng cháu chiok bān--ā. (khin-sang chiap-siu i ka-kī ê bān) --- ē-kì-tit kū-nî sòa-cháu, i koh oa̍t-thâu kā lâng khòaⁿ, chitê gín-á si̍t-châi ū-kàu sim-sek. Kok-chióng chōng-hóng lóng ū. M̄-koh chit-má i chin gâu...

Sim-chêng bô hó ê sî, khòaⁿ siáⁿ tō bē kah-ba̍k. Gín-á sè-hàn sî bé ê hó-ōe-pâi, chit-chūn khòaⁿ--khí-lâi lóng Tiong-kok ê siūⁿ-hoat, hō͘ góa péng-pak. M̄-koh góa ê sim-lí lāu-su(Kî-si̍t kan-ta siōng kòe 1pái khò, chhòng-chō ê pâi-á, góa tō chin kah-ì.  Bô kâng su-ûi, bô kâng chêng-kéng, chhòng-chō chhut-lâi ê gī-kú tō bô kâng. Chi̍t cho͘ sī ka-tiúⁿ tùi gín-á, chi̍t cho͘ sī ka-kī ê sim-lêng sêng-tióng, nn̄g cho͘ pún-té tō bē pí-tit,góa sī leh siá siáⁿ hùi-ōe.... chêng-chi̍t-chām-á, chin chē tō-iú hē-goān beh Tâi-gí-pán ê Hó-ōe-pâi-á, tang-sîchiah ū？ Ka-kī chhut, hoān-sè ke khah-kín...

昨天Hê-bí說「犯人」台語怎麼說，我的直覺是文音，結果我跟Hê-bí一開始的直覺，都是錯的，都是錯的！！！ 問了台語人，他們毫不猶豫說出來「犯人」的台語發音，跟1932年的台日大辭典是一樣的，是一樣的！！！ 前陣子聽了小梨園的老師說，她唱的戲本是她的老師口語傳給她的，然而在英國及德國博物館也收錄著一樣的戲本，分別是西元1604年、1594年的文物。 老師說最可怕的是，上面戲本裡的khek-si(曲詩)，跟她的老師傳給她的內容「一字不差」。400多年前口耳傳承到2025的今日。老師已經學戲曲(還是南管?)三十年了。 羨慕台語人的語感。 像我們這種被汙染的台華人，台語語感需要靠沒污染的台語人拯救啊…最好的方式，就是日常生活多聽多說，這還不夠，還要像世界各國讀自己國家的國語文一樣，讀我們的台灣話文，如此，台灣人的智慧，才能傳承並與時俱進。 這樣我才能把「犯人」講得標準。講得精確，才能抓到真的犯人啊！ Góa ê thâu-khak iáu sī bûn-giân-im. Sī hoān-lâng hoān-lâng hoān-lâng chiah tio̍h！！！ Hoān-lâng！ Hoān-lâng！ Hoān-lâng！ Chin tiōng-iàu ài kóng-3 pái！

(今仔日Ko-Tiong當工來回) B：恁今仔日敢有出門？ C：有！ B：去佗？ C：去(社區健身房)運動、閣有去(社區大廳)提暗頓。 B：原來你的出門是出咱兜的門就算出門矣😆🤣 (我的出門是愛踏出社區大門才準算😆)

Chin感謝復興教會，提供一个hō͘台灣話囡仔 ê 純台語空間，用咱數百年ê台灣話，予大人囡仔做伙學習手語、音樂、數學、台灣學。 嘛感謝遠路來到台灣人學校、逐禮拜1逝路ài 1～2點鐘路程 ê 家長，𤆬囡仔來chia，用心準備課程kā逐家箍做伙，學習各種溫柔堅持 ê 精神，用咱 ê 台灣靈魂kā台灣囡仔栽做伙晟養大漢。 「飼一个囡仔需要規庄ê力量」 台灣人心靈受中國文化thún踏，對囡仔bô講台灣話。按呢，咱箍做伙，家己來講，家己來教，互相相楗，互相支持。感謝每一个對囡仔講台語 ê 你。咱每一个，lóng是台灣精神。

Gún pâ thâu-chi̍t pái hông chà-phiàn, sī in-ūi góa ê koan-hē.  Chit-má iáu-leh phah koaⁿ-si, in-ūi 60hòe tông-sū kâng-nî hông chà-phiàn, kin-nî peh-goe̍h hô-kái, tùi-hong goān-ì hun 10 kî hêng chîⁿ(Kî-si̍t pī-kò mā sī hō͘ Tiong-kok--ê lī-iōng...) tông-sū ê koaⁿ-si ū kó͘-bú tio̍h gún. Góa bîn-á-chài beh lâi-khì chu-sûn hoat-lu̍t hû-chō͘ lu̍t-su siông-sè ê koaⁿ-si liû-têng. Hoan-thâu hian-tio̍h pâ hông chà-phiàn tong-kang ê kì-lo̍k, goán chai-iáⁿ chà-phiàn hit-kang ê chú-sî(Chái-khí chi̍t tiám) bāng-kìⁿ kah pă iú-koan ê ok-bāng, chhù--lih pòaⁿ-mî mn̂g-kháu-tōa-khui, mn̂g, án-chóaⁿ koan to koan bē khí-lâi, bāng-lih pâ kóng bô iàu-kín, góa soah sim-lāi chiok kiaⁿ, chiok kiaⁿ ū chha̍t-á thàn ki thau mi̍h-kiāⁿ. Chhíⁿ kòe--lâi. Koh-lâi tong-kang àm-sî, chiap tio̍h pâ hiông-hiông khà tiān-ōe hō͘ cheng-cheng, i m̄ bat leh khà tiān-ōe hō͘ góa, koh khah bián kóng sī cheng-cheng.... Hit ê ok-bāng, chit-má hoan-thâu khòaⁿ, hō͘ góa khí ke-bó-phôe... M̄ bat leh liân-lo̍k, hiông-hiông lâi ê ok-bān...

Cheng 講這兩隻無仝。 Chi̍t chiah sī pit-kah-chhioh. Chi̍t chiah sī í-pih.

Cha-po͘-kiáⁿ tō bē-tàng lâu ba̍k-sái? án-ne kóng--khí-lâi, góa khak-si̍t m̄ bat khòaⁿ kòe góa sin-khu-piⁿ se̍k-sāi ê cha-po͘-pêng-iú lâu ba̍k-sái.... Tû-liáu gún pă...Tī i ûi-it ê hāu-seⁿ tńg--khì liáu, góa chêng-sû bô ún-tēng, kā i hoat-phî-khì, i bat lâu ba̍k-sái. Kohlâi...Mā m̄ bat khòaⁿ--kòe... Kî-thaⁿ êcha-po͘, tō bián-kóng--ah... Chit-chūn chiah ì-sek, chit khoán piàn-thài ê koan-liām, hō͘ lâm-sèng mā sêng-siū chiâⁿ tōa ê ap-le̍k neh... Kiat-kio̍k, lâm-sèng hoán-èng chhut-lâi ê chêng-sû, kah sim-lí si̍t-chè ê chêng-sû, bô kâng-khoán,.Si̍t-chāi hō͘ lâng chin khùn-jiáu.... Kui-ê siā-hōe, lóng ū pēⁿ. -- Tô͘phìⁿ sī sîn-lông tāi-tè.

我：這你會穿？ C：袂。 我：做一領你佮意的衫，這你有佮意？ C：有佮意，毋過袂穿😆

CC：Góa bē-hiáu siá Tâi-bûn BC：bô iàu-kín, lí he chiàⁿ-káng Tâi-oân khiuⁿ. Chiàⁿ-káng Tâi-oân-kok-gí CC：Góa koh beh thoân chi̍t tiuⁿ. BC：Lí che ē hō͘ lâng kiāu--sí. CC：Che sī Hê-bí. XDDD (BC：oeh！Hê-bí！Ū lâng leh kiò--lí--oo͘h！)

Góa thó-ià bo̍k-hui tēng-lu̍t. Cha-mê khoán pau-ho̍k-á, kā chek tī phāiⁿ-á ê mi̍h-kiāⁿ chóng péng chhut-lâi chéng-lí-li--leh. Chi̍t phìⁿ ūi-seng-mî, siūⁿ kóng phāiⁿ-á ē-tàng kiám-chió--ê tō kiám-chió, kiám-khin tāng-liōng, mā siūⁿ kóng goe̍h-sū chiah lâi bô gōa-kú niā, èng-tong iōng bētio̍h, tō hē tńg--khì góa e̍k-keng-á tû-á lāi-té, kah ōe-seng-mî pī-iōng-phín chóng khǹg chò-hóe. Cha-mê beh tēng kin-á-ji̍t chái-khí ê ko-thih phiò í-keng tēng bô, hoâiⁿ-ti̍t kàu Tâi-pak khiā chi̍t-sî-á tō kàu--ah. Kiat-kio̍k 9tiám gōa kàu-ūi, chiah chai siang-gí kàu-àn ê pan-chióng hōe-tiûⁿ kah Tâi-oân kàu-io̍k-kho-ki-tián kâng hōe-tiûⁿ. 9:30 chiah khai-hòng chhiúⁿ-siong ji̍p-tiûⁿ. Góa ji̍p-khì hō͘ tòng--leh, kóng 10tiám chiah khai-hòng it-poaⁿ bîn-chiòng ji̍p-tiûⁿ. Ùi 7tiám pòaⁿ chhut-mn̂g, phāiⁿ pit-tiān kah ke-hóe ê phāiⁿ-á, tāng-hoaih-hoaih...="= góa í-keng khiā 2tiámpòaⁿ cheng--ah. Kha chiok sng, io mā bô sóng-khoài, pan-chióng hōe-tiûⁿ chiah sè-sè-khu-á...Chhiam-tò ê toh-á mā sī, koh ū kî-tha...

這是我頭擺來Sè-bō͘(世貿)，佮我想ê無仝。我毋是來看展覽，我只是拄好路--過⊙ω⊙

這台勇跤--ê。 彼日看著這台車，頭起先是hō͘伊1句台語唌著。這馬翻頭看，才發覺伊貼kah遐濟。真趣味。 隔轉工另外看著一台車貼『你貼越近我騎越慢』，嘛是真狡怪。 Siūⁿtio̍h chi̍t pòaⁿ pái--á, ang nā tn̄g-tio̍h káu-koài bô chiàu kui-kí sái ê chhia,tō ē chha̍uh-chha̍uh-liām. Ū chi̍t piàn tī kok-tō͘ 1hō, chi̍t tâi chhia sái chiok kín koh tah chiok óa, liáu āu koh bô chiàu kui-kí chhiau-chhia, lia̍hkhì kàu thâu-chêng ang tō bē-sóng, thàn ki-hōe kā lia̍h tio̍h, sái tī hittâi chhia thâu chêng, hit tâi chhiakoh tah--kòe lâi, tah chiok óa, ang tiau-kò͘-ì ta̍h chi̍tē tòng-á, kóng hit tâi chhia kiaⁿ-tio̍h, tō m̄ káⁿ óa kòe--lâi, thàn ki-hōe chhiau-chhia tō cháu--khì--ah(Tú-hó hit tâi mā lo̍h kau-liû-tō--ah) kî-si̍t chin-chiàⁿ beh pí káu-koài, khó-lêng pí bē iâⁿ--i. Chí-sī lóng chiàu kui-kí lâi. Góa bô hoat lí-kái, chit nî lo̍h-lâi, kah lâu-téng chhù-piⁿ êtāi-chì oân-boán kiat-sok. Góa chiah chai, ū sî lo̍h-nńg ê sî mā ài lo̍h-nńg. Ang chin-chiàⁿ sī lêng chhun lêng khut ê gâu-lâng.  siūⁿ tio̍h siáⁿ tō siá siáⁿ Siá kàu bóe--á, ka-kī chiah hoat-kak sī siám-kng-bûnヾ(￣▽￣)y ...

照樣造句 BC：Ma-ma khah chá mā kah-ì chhēng奇裝異服標新立異。 CC：Hăⁿ?(Bô hoat lí-kái ê piáu-chêng) BC：Cosplay ā... CC：『媽媽喜歡穿著奇裝異服以凸顯自己』。 BC：Lí án-ne kám m̄ sī kah chit kù kāng-khoán。 CC：『媽媽以前喜歡穿著奇裝異服以凸顯自己與眾不同』。 BC：啊毋是仝款！！！ CC：XDDDDD

感謝Chèng-seng(正聲台中台)辦遮爾用心 ê 親子台語廣播營，第一工Ng Hiok-sing老師設計輕鬆、趣味遊戲hō͘親子互動。羅瑞誠 老師用伊的專業指導親子廣播採訪對話的鋩角。第二工hō͘親子入錄音室體驗錄音。感謝主持人@星洋(Sêng-iông?)用心籌備活動 ê 一切。張翰揚台長真相伨，大部份攏會看著伊leh顧場，足感心❤️ 我袂曉講媠氣 ê 話，毋過用心辦 ê 活動使人真感動。一定ài放送予逐家知！ 第二工下晡鋼琴詩人王俊傑老師請親子用生活語言寫4-6句詞，伊譜曲送予逐家(一組家庭一首歌)做一个禮物，生活的語言生活的旋律就會當變作藝術創作，感動kah！ 我嘛袂曉寫詞，毋過，像老師講ê寫生活語言，按呢就簡單寫幾句仔母仔囝相鬥陣ê心誠。嘛kā這種歡喜感動 ê 心誠，分享予逐家。 --- 兩隻貓仔 詞：Bēng-chin、Ú-chêng 曲：鋼琴詩人王俊傑 我佮你是兩隻貓仔 一隻乖乖照步來 一隻狡怪想東想西 有時冤家，有時相依相倚 咱攏是上蓋古錐 ê 貓仔 ---

Chóng sǹg koh ū sî-kan lâi hō͘ góa kóng hùi-ōe tháu-sim-khùi, kóng hùi-ōe chiok kái-ut❤️ cha-mê pē-á-kiáⁿ nn̄g lâng chē tī kheh-thiaⁿ leh chhiúⁿ phah-hù(puff), pa-pa kóng beh chia̍h nn̄g chhùi, chi̍t chhùi tō kā Cheng chhiú thâu--ê chia̍h liáu, nn̄g chhùi tú 2 lia̍p, 1a̍p 4 lia̍p chhun 2 lia̍p. Cheng ai-ai-kiò. Khòaⁿ pa-pa phîphî kā cheng chhòng-tī, chiâⁿ hó-chhiò. Sùn-kan, góa khòaⁿ tio̍h chit chūn Cheng iū-koh tōa-hàn ê bīn-iông, chiok sêng pa-pa, sui-jiân chêngchhut-sì tō sī khek pa-pa ê bīn... BC: Cheng jú tōa-hàn jú sêng papa--ah. Nā thâu hām papa kāng-khoán tōa lia̍p, tō sī cha-bó͘ pán-pún ê papa. PP: I pún-té tō sêng góa, kám-kóng tōa-hàn tō ē sêng lí, m̄ chai leh siūⁿ siáⁿ... BC: Góa sè-hàn kah gún pâ kâng bīn-bô͘-á, tōa-hàn tō sêng gún má(Ma-ma). (Seng-oa̍h keng-giām bô kâng?) m̄-koh khòaⁿ che ki-in, beh sêng góa sī khah khùn-lân--ah. M̄-koán kò-sèng a̍h-sī gōa-piáu, Cheng oân-choân chéng tio̍h papa... --- kin-á-chái-khí beh khùn-chhíⁿ hit-sî phû-chhut hām papa iáu-sī lâm-lú p...

Hit kang pêng-iú kā góa kóng, góa ài chún-pī ê khò siuⁿ chē--ah. Bô kóng góa koh lia̍h-chún chit khoán sī chèng-siông ê... Tàu-té kàu-chi jîn-oân sī ū gōa sim-sng lah... Chhài-chiáu-á bē-hiáu tō tòng-chò liān-kang, ah-bô pa̍t-hāng góa mā bē-hiáu--ah. Kè-sio̍k kho̍k-kho̍k-á chò... Ū lín chit tīn Tâi-oân hó pêng-iú pôe-phōaⁿ, Tâi-oân-lâng, bô ko͘-toaⁿ : )

《Nn̄g chiah niau-á ~♫》 Nn̄g chiah niau-á ~ Nn̄g chiah niau-á ~ Chhōe khòaⁿ māi ~ Tī tó-ūi ~ Chi̍t chiah tī hit pêng ~ Chi̍t chiah tī chit pêng ~ Chhoe tiān-hong ~ Chhoe tiān-hong ~~~

Cheng：『領域展開』 BC：siáⁿ-mih！「Léng-he̍k thián-khui」Lí ū khòaⁿ hit chhut? (góa tō iáu bē khòaⁿ QQ) Cheng：Mh，『咒術迴戰』 BC：Chiù-su̍t-hôe-chiàn

彼擺小旋風型的風颱造成的tōa-im-chúi. 車班攏無開只好ùi sin-khut-kang新堀江，步輦轉鳳山車站。 彼時高雄到鳳山lóng大淹，阮是「行」水路轉厝--ê，行至少2點鐘以上。毋過14、15公里彼較遠，早前 ê 台灣，lóng是按呢行路...

Thò͘át：Lia̍h tio̍h thò͘-á--ah.

Thò͘á：Lia̍h tio̍h thò͘-á--ah. Siáng lóng mài chhiúⁿ góa ê ang-á. Lâi kiâⁿ

Thò͘át：Lia̍h tio̍h thò͘-á--ah. Siáng lóng mài chhiúⁿ góa ê thò͘-á lâi kiâⁿ.

Papa買萬聖節麭麭轉來。 B：貓仔足古錐❤️❤️❤️❤️        啊這隻是啥？ C：人--ā。閣有『腋毛』～～～～       彼『腋毛』拖長音，ùi10歲查某囡仔 ê 幼聲講出來，特別溫柔好聽koh古錐❤️❤️❤️       B：『腋毛』我袂曉講。 C：遮按怎講（手比kòe-hīⁿ-khang）？        Kòe-hīⁿ-khang-mo͘        Góa chiok khiáu--ho͘h(*￣︶￣) -- C：我欲kā頭pak落來--ah--ŏ͘。 B：Hó! (想著細漢時我愛食 ê 各種造型 雞卵糕，有銃、有足媠 ê 鳥仔圖--ê，我嘛會食彼古錐 ê 鳥仔雞卵糕，加足有歡喜 ê氣味。毋過，大漢就毋捌閣看過我細漢--ê彼種雞卵糕，足數念。。。。)

Kin-àm chú chi̍t-tǹg o͘-àm liāu-lí, ka-chài bī iáu ē-sái-tit. Cheng kóng beh ko-lê-chhài-si, hoan-be̍h, hiuⁿ-ko͘, ke-nn̄g. Góa khì chhài-chhī-á khòaⁿ tio̍h hoan-be̍h-sún kah bín-tāu mā chò-hóe lām lo̍h-khì chú.  Ti-che(Ti-un) ê koan-hē, bah-si kái ke-bah,chhiat chò iù-á. Koh ū âng-chhài-thâu-si. Án-ne eng-kai khah êng-ióng?!

Kin-á-ji̍t chá-khí chhíⁿ--lâi thiaⁿ tio̍h ta-koaⁿ leh se̍h-se̍h-liām ê siaⁿ, góa kám-kak góa ná-chhiūⁿ tńg kàu sè-hàn a-má tau, pêng-chēng, hoâi-liām ê sî-khong. Gí-giân choa̍t-tùi ū chha, lán nā iōng Tiong-kok-ōe kā gín-á chhī tōa-hàn, i ê jīn-tông tō sī Tiong-kok-ōe. Ka-chài, góa se̍k-sāi lala, hō͘ goa khòaⁿtio̍h bô kâng sè-kài. Góa kah ang kiat-hun, ta-koaⁿ ùi Tiong-kok tńglâi, lóng chiàⁿ Tiong-kok-ōe. M̄-koh, cha̍h-hng chhut-khì chia̍h-pn̄g, se̍h-ke, chí-iàu kah CC chòhóe, lóng chiàⁿ Tâi-oân-ōe, , chiok chū-jiân! chiok hó-thiaⁿ, che chiah-sī lán ê kin！ ta-koaⁿ mn̄g tiàm-oân, óaⁿ bô chheng-khì, beh khì toeh the̍h? he tiàm-oân siàu-liân-siàu-liân khòaⁿ--khí-lâi ke̍k-ke 20thóng hòe, sûi iōng Tâi-oân-ōe hôe ta-koaⁿ, ē the̍h sin óaⁿ kòe--lâi. tī Tâi-pak-siâⁿ chit chi̍t bō͘, it-chhè lóng sī hiah-nī chū-jiân... khòaⁿ hó bô khòaⁿ bái. tńg-lâi Tâi-pak, sī góa chhiong-tiān ê sî-chūn. chhin-chhiūⁿ i-seng kóng--ê, góa sī i thâu chi̍t ê kòen-î kòe-chiat, bián hoân-ló ka-lāi-sū ê lâng. Góa sī hē...

Kin-á-ji̍t png ta-ke ê hok-khì khì Si̍p-chí chia̍h hó-liāu koh se̍h-ke. Khòaⁿ tio̍h mo͘-mo͘ kó͘-chui ê pò͘-ang-á tiāⁿ-tio̍h ài phō chi̍t-ē. Hoaⁿ-hí！ Kiàn-pái tńg--lâi ūi-tio̍h thêng-chhia ê tāi-chì leh oan-ke, ū-kàu siān...Khùn bô pá-bîn tō chhut-lâi, lâm-pak óng-ho̍k si̍t-chāi thiám-thâu... Khì chi̍t-ē tian-tò ē-tàng choan-simsiá kong-khò(?) chìn-chêng khiàm ê kong-khò iáu bē pó͘ liáu. Jīn-chin oân-sêng 50%, koh ū chi̍t pòaⁿ, kám-kak ká-ji̍t koh leh chò-kang sī leh....(Ka-kī ài chhit-thô ê gia̍p ka-kī taⁿ...Ài hêng--ê chóng--sī ài hêng...) thâu-khak thiàⁿ...kè-sio̍k sńg, sńg kah boán-ì kè-sio̍k chò-kang... -- Hit óaⁿ peng, sī cc ka-kī chò--ê, ùi peng-kî-lîm-ki kàu lâm chocolate chiùⁿ iā  chocolate bí, khòaⁿ khí-lâi chiok hó-chia̍h-khoán❤️ 

Góa bē thó-ià lo̍h-hō͘-thiⁿ, lo̍h-hō͘ tòa hō͘ Tâi-oân hong-hù ê chúi chu-goân.  Góa lâi Tâi-pak-siâⁿ siōng pan ê thâu chi̍t kang, siàng-tōa-hō͘, góa kā tòng-chò hoat-châi ê hó kiat-tiāu.  Góa bē thó-ià lo̍h-hōthiⁿ, chheng-liâng ê khong-khì, ē-tàng sé tiāu chin chē kòe-thâu jia̍t-chêng ê khì-bī. Góa ài lo̍h-hō͘. Lo̍h-hō͘ sī hó tāi-chì.

2025/9/12(五)參加台灣人學校ê木工課程(做柴尪仔)拖足久，頂禮拜做伙漆色，今仔日總算畫好矣！ 多謝 小拙生活 / 友善環境木作設計 提供珍貴ê木工課程予囡仔體驗。Ùi磨柴角á開始、戮空、彩畫、組合。看起來簡單 ê 程序，逐步lóng無簡單。 多謝對囡仔講台語-台中台語囡仔伴ê家長做伙共學，予台灣人囡仔有純台語 ê 生活環境。 ❤️❤️❤️ 珍貴的台灣人學校，做伙來維持。

(góa leh sńg chhiú-ki, C kā ōe-bīn chiām-thêng mn̄g góa) C：你感覺這个人ê原型是啥？ B：Soa-hî(鯊魚)--阿！ (伊原型是tāu-hū-soa) C：Ĕ(?! khó-lêng bô siūⁿ tio̍hgóa ē chai ?) C：毋過我感覺像chio̍h-sai(石獅)，你看伊的目眉，閣有倒勾的喙齒。Chí-peh-luh(ジンベエJinbe 吉貝爾) Mh，ū sêng tō tio̍h！

50分鐘ùi原型開始，煮一坩飯、一鼎番麥菜頭貢丸湯摻芫荽、一粒高麗菜炒紅菜頭絲煏蒜頭，掛收煞(洗盪、拭灶跤)。我感覺我足gâu<(￣︶￣)/ 煮食時陣，chŏ͘囝寫中國語作業 ê 造句：Mă，你煮了看我寫 ê 造句，我感覺我寫kah足好。<(￣︶￣)/ 多謝序大對我 ê 疼，予我快樂幸福 ê 生活，多謝chŏ͘囝對我 ê 要求，hō͘我變閣較gâu❤️❤️❤️

Sit-hoeh ê hoeh-tiâu iáu bē pó͘ tńg--lâi, kui-ê lâng khong-khong. Chhìn-chhái póe nn̄g--ê, khòaⁿ tio̍h lí-tiúⁿ kûn-cho͘ ū lâng leh thó-lūn têng-á-kha thêng-chhia hông khui-toaⁿ. Ū-lâng kóng sī ū-sim jîn-sū khì liân-sòa kiám-kí--ê. Chit-khoán lâng gún chêng siā-khu mā ū kiám-kí mô͘-lâng che góa chai. Āu--lâi koh iáⁿ-tio̍h ū lâng kóng pôe sī-tōa bān-bān-á kiâⁿ. Koh lēng-gōa khòaⁿ tio̍h koan-sim kong-kiōng khong-kan Pak-tūn-khu pêng-iú hun-hióng Tōa-Tâi-tiong kiàn-siat ê beforAhter siòng-phìⁿ, kóng m̄ chai beh án-chóaⁿ kóng. Before jîn-hêng-tō sè-sè-tiâu, after lō͘ piàn khoah góa kám-kak chiok hó, soah m̄ chai siang-pêng ê chhiū-á, óa chhia-lō͘ piⁿ ê chhiū-á chóng hô ng chhò tiāu, chèng sè-châng chhiū-châng ji̍p-khì......Khòaⁿ in thó-lūn ê lâu-ōe chiah chai, che sī Tâi-tiong chiok bô chù-tiōng chhiū-á ê phó͘-phiàn hiān-siōng,jî-chhiáⁿ koh sī thau-chhò tiāu, in-ūi in mā chai-iáⁿ ē hō͘ lâng mē....= = sng-si̍t-chiat khì Ji̍t-pún Bêng-kó͘-ok, m̄ bat tn̄g tio̍h chi̍t tâi o͘-tó͘-bái...