Beng-chin

Pài sì 18hō chái-khí khí-lâi nâ-âu thiàⁿ, 6chiat khò liáu, kái chok-gia̍p, chiap cchā-khò, koh khì kháu-chhì, tòng kàu àm-thâu-á, tńg kàu chhù, kui sin-khu nńg-kauh-kauh siān-tauh-tauh, liân khui chúi-kan ê khùi-la̍t to bô. Iáuleh siūⁿ nâ-âu thiàⁿ m̄ chai kám sī kóng khò kui-kang ê koan-hē. pòaⁿ-mî chiah kám-kak sī kám-mō͘, hō͘ cc chhá khí-lâi, sūn-sòa chia̍h kám-mō͘ io̍h-á, ke khah hó lo̍h-bîn.  Pài gō͘ 19hō gō͘-ji̍t-cheh chiàⁿ-ji̍t, tak-ke tōa-ko͘ lâi Tâi-tiong, tòe ang chò-hóe khì chia̍h ài-bé chhiū-thài-ló chhan-thiaⁿ, bô tēng ūi koh bān kàu, bô tántio̍h, kái khì tán bí-si̍t-ke ê Sushi express.  Chia̍h pá khì bē-tiûⁿ bé chia̍h-mi̍h tńg chhù, góa khùntàu, ang kā c, 69hòe ê tak-ke, tōa-ko͘ chhōa chhut-mn̂g khì hù-kīn sàn-pō͘ kiâⁿkiâⁿ leh.  Tiong-tàu tńg--lâi ū thiaⁿ ta-ke kóng ta-koaⁿ kui ji̍t khut tī pâng-keng m̄-chhutlâi, thiaⁿ-kóng sī hiaⁿ-tī kòe-sin lâu 40bān ê sìn-iōng-khah chè-bū hō͘ i, chó͘chhù hông phah-bē. Sim-lāi ut-chut ê khoán. ta-koaⁿ chiok sioh-chêng. Chin...

幾若工進前，放學，C提學校分ê Fin飲料講是xxx獎勵 (伊三不五時就提著獎勵我嘛hut袂清是啥。) CCkā我講，生日彼工伊想欲分享Fin予同學。 B：恁班幾个？你欲mo͘h規箱去學校？足重--ê呢！恁班同學生日敢有人分飲料？ C：24个。有同學分雞卵糕，無人分飲料....(Mo͘h飲料)才peh 3樓爾，彼a̍h無啥(無蓋困難)。 B：恁(學校)才分Fin爾，閣分Fin無啥創意。 C：抑無be分啥？蘋果汁好矣。閣chah一寡Fin予in選。  B：好啊。彼足重--ê喔，你確定你搬有法？ C：頂回就kā你鬥搬2箱，掛捒車。 B：彼是1坎仔爾。(機車停車場到社區入口有一坎，chhun的攏車咧載。) (你若mo͘h去學校)ài經過川堂、行過一段懸懸低低ê樓梯，才閣peh樓梯(3樓) C：才3樓爾，彼a̍h無啥。 B：好。 (早起起來食早頓，母仔囝兩人猶無啥力氣) B：你等下閣愛mo͘h彼箱去學校喔～ C：抑是你下晡kā我送過來？ B：你家己mo͘h。去學校『炫(分)富(享)』(像黃仁勳按呢) C：好。 (我翕相) C：你欲共老師講喔？ B：無啊，你家己共老師講。我翕相做記錄爾。 送伊到學校，我閣確認一擺：你今仔日轉來就thèⁿ手XD。 C：才3樓爾，彼a̍h無啥。 看伊mo͘h一箱飲料，起來小可食力又閣桌頂拈柑(?)，真正大漢--矣。昨昏領伊這箱轉厝，猶無發覺今仔日伊欲做生日🤣，CC ê 11歲，就按呢大漢--ah。❤️