Beng-chin

  來旱溪廟附近送物件予朋友，順紲來kā眾神明相借問。欲ùi虎爿出去 ê 時，看著像聖誕老人hiah古錐 ê LEGO月老，親切！

Keng-ài ê Tân-lûi sian 初初讀著陳雷sian你的台語文學，才知台文會當寫kah遐媠、hiah-nī現實有畫面、有聲音！無毋著！讀sian--ê你的冊就是按呢生，活跳跳的聲音佮畫面就浮在眼前！ 我對文學猶是無蓋有趣味，真多謝 落/làu台語-瑞士ê台語社+ 台文博覽會 TÂI-BÛN EXPO  主辦人閣有讀冊伴，閣有上重要的sian--ê你參阮做伙讀你寫的鄉史補記，he是我讀台語文學上媠ê記持。 我毋是蓋認真嘛足恬，毋過sian--ê若來我一定會參加，一直咧等你轉來佮阮做伙讀冊，聽你講話，足佮伊意sian--ê親切有耐心就親像家己厝內的序大仝款，阮做伙綴sian--ê佇南一中行踏，行到大溝的路裡，過路人講咱這陣是家族仔... sian--ê佮足濟人見面過，定著袂記得，毋過我足幸運坐sian--ê對面做伙食火鍋，心內足歡喜！本成欲家己轉厝，sian--ê煩惱，多謝Hê-bí Ngôo kā我載...我慣勢一个人來，毋過有恁ê關心，予我感受著咱就親像一家伙仔... 嘛無料想家己會當得著sian--ê佮主辦ê疼，投稿影片tio̍h陳雷賞，閣有sian--ê親筆簽名ê「Tâi-gí bûn-hòa tāi-sài(台語文化大使)」貼紙送予阮這陣讀冊伴 著賞的時sian--ê你問我：恁查某囝毋是叫凱西ho͘h！？ 我kā你應：毋是。 其實，是我，我就是有北京話ê美國名ê凱特... 頒發賞狀的時bô-tiuⁿ-tî sian--ê beh kā góa lám, góa mā khin-khin kā sian--ê lí lám--chi̍t-ê, goân-lâi sian--ê hiah-nī sè-lia̍p-chí, m̄-koh soah siá chhut kòe-khì 200gōa tang kàu taⁿ ê Tâi-oân kò͘-sū. Góa ū kā Tâi-oân bûn-ha̍k lám--kòe, chiok hoaⁿ-hí. 彼是我佇我一世人做台灣國美夢上媠ê2工，因為有陳雷家族，幸福無比止. 讀冊的時sian--ê你講你的世代欲講台語無簡單，嘛體貼講阮的世代beh復振台語嘛無簡單(阮袂曉台語，嘛無恁彼時四界攏是台灣話自然ê台灣話環境矣) 你閣予阮一个課題去想：啥物是一流ê國家？ sian--ê你講你認為台灣已經...

𤆬路機仔𤆬我行小路，雙爿攏是墓仔埔，毋過今仔日大好天，蟬仔吼chiuh-chiuh，行這青翠自然 ê 小路，較贏市區 ê 繁華喧鬧。 蹛佇chia參大自然做伙 ê 台灣人，佮這塊土地連做伙。 tòe Tâi-oân-sîn kiâⁿ, chū-jiân ē chhōe tio̍h chhut-lō͘. 行出小路，竟然，全台唯一 ê 台語文園區，就到位ah❤️

我欲講電影觀後感，‘’呆度‘’意識真重鹹，無佮意的請倒斡出去 -- 1. 語言決定國族意識。 真濟銀髮族來看電影，曾議員佮工作人員的招呼語佮開頭致詞是台語，比例猶有50%。毋過迒世代曾咨耀全華語，佮電影仝款，hông中華民國殖民成功 ê 鐵政就佇語言。 2. 坐邊仔 ê 少年人拄好是媽媽，閣專工攢衛生紙，聽人講看kah尾仔會流目屎。我講凡勢我會看kah足袂爽，聽人講內底干焦幾句á台語歌詞以外，專專華語佮英語。(hông中華民國殖民成功 ê 鐵政就佇遮！) 3. 看5-10分鐘坐我前兩排ê一對序大開始掰手機，光線影響著我，直接行落去kā講會影響後壁。坐倒轉來我 ê 位，臆講敢會佮我仝款，因為語言毋是台灣本位，是中國話本位，所以無共感？ 4. 影片看了邊仔 ê 媽媽講伊無哭，我講我看kah欲睏去。 歷史 ê 部份荷蘭、西班牙、日本、中華民國殖民我攏知。台灣予世界看見是ùi蔡英文總統時期開始的真正感謝蔡英文總統團隊(⁠｡⁠♡⁠‿⁠♡⁠｡⁠)。 拄好這10外年 ê 台灣事件我攏綴有著陣，太陽花、性別平權(亞洲第一个同性婚姻合法 ê 國家)  看著第一个華人國家足袂爽，毋過咱就予中(華民)國殖民，呔有法度...┐⁠(⁠´⁠ー⁠｀⁠)⁠┌ 過去228佮白色恐怖輕描淡寫(毋是這齣電影的重點)毋過有講著重點：毋是欲清數，是愛還原真相，才有理解佮原諒。 --- 電影以中華民國被殖民者的角度來看，真正是拍了真好！電影結束，閣真正有人流目屎，雖然，我真正無法理解，in流目屎，是何因端...⊙⁠﹏⁠⊙

  一秒予兔仔囝變熊仔囝 Êng kah lia̍h sat-bó sio kā Bô chí ê lāi-chi

  Chi̍t hng phòa chi̍t hng 一方破一方 華文: 一物剋一物 例：咱這陣雖講中計受困，毋過一方破一方，咱慢慢仔想，總會想出破解ê方法來。 出處：實用台灣諺語典

阮兜 ê 千金足無氣質 【1】 頂遍問我欲食leng-sng-khùn(奶酸菌)糖仔無，我講：毋免，我逐工有食酸牛奶膏，閣是活ê奶酸菌。 伊隨回我講：敢若chìn-kek ê kū-jîn(進擊的巨人) 我：？？？？ 伊手假影掠小身人，將喙擘開開欲食人 ê 款式。 我：閣誠實有成😅 (隔轉工早頓食酸牛奶膏，害我想著彼个畫面...=‘=) --- 【2】 有一遍千金kā我投講學校的台式咖哩足歹食，我會當理解，因為我嘛足驚彼款像漆螢光筆 ê 料理。 我 ê 結論就是歹食→莫食，準煞。 千金繼續講：我無法度理解是按怎有人足佮意食彼，足成sái！！！ Khàu-iau！我隨kā講：食物siān毋通講chò hiah歹聽，你按呢對佮意食 ê人足無禮貌！ -- 【3】 拄才早起起來，潘桶機昨昏下晡絞大粒西瓜皮絞kui日絞kah今仔日早起卡牢leh，我咧清幼圾仔，頭擺看著潘桶機做出一圈花環，歡喜kā千金講，你看是花環❤️ 千金：閣誠實是花環！應該講潘環才著！ 我美麗 ê 冠冕，隨予無氣質(務實)的千金講甲毋值錢 =‘=到底！我這戇人呔會生著這款巧kah予我著驚 ê 囡仔 (敢我生--ê...==‘) 有影歹竹出好筍(?)

  Chîⁿ-káu-á 錢狗仔

 Ū sim phah chio̍h, chio̍h chiâⁿ chhng. 有心拍石，石成穿。 華文: 持之以恆，事必有成。 例：台灣打造火箭ê工程萬分艱難，毋過團隊若仝心一致相佮拍拚，有心拍石，石成穿。 出處：Bēng-chin

Hoat-kak m̄ chai gōa-kú bô chhut-khì chhit-thô--ah. Tû-liáu lō͘-iâⁿ, téng piàn góa sim-chêng hó sī khì kò-pia̍t-sek... Chiok sîn-kî, iân-hūn chhián-po̍h ê pòaⁿ chheⁿ-hūn-lâng kèng-jiân tī i koan-bo̍k kng chhut-lâi hit sùn-kan, hō͘ góa ba̍k-sái lâu, i kui-sin lóng sī jîn-seng ê tì-hūi.  Tī hia siōng chi̍t khò jîn-seng tì-hūi ê khò, chiâⁿ chhim, m̄-koh soah iōng siōngkán-tan ê tō-lí kónghō͘ lâng chai.  Kò-pia̍t-sek khòaⁿ khí-lâi liōng-lok 80 lâng, lâng-sò͘tú-tú-á hó, khin-sang koh chū-chāi ê kò-pia̍t-sek, tō chhan-chhiūⁿ i hō͘ tī gún bīn-thâu-chêng ê bô͘-iūⁿ, chóng--sī tài hō͘ gún hiah-nī-á chū-chāi ê sî-kong. Ji̍t iā khong goe̍h iā khong chiok se̍k-sāi ê soân-lu̍t, chi̍t-sî iáu sī siūⁿ bē khí-lâi sī siáⁿ-mih koa, chin hoaⁿ-hí koh ū chi̍t tiâu koa sī iōng Tâi-gí lâi chhiùⁿ--ê. TÂN TOA-KO kiò só͘-ū lâng m̄-thang kiò i lāu-su, kiaⁿ ē su. Sui-jiân lí lóng iōng Tiong-kok-ōe kà-chheh, m̄-koh lāu-su kiaⁿ ē su, che sī Tâi-gí su-khó chiah ū ê lí-lō͘. Seng sī Tâi-oân-lâng, sú iā sī Tâi-o...

góa si̍t-chāi chin bē-hiáu toān-sià-lî, chan-keng óa 700lâng o͘-pe̍h ka ê bîn-iú, kū-nî siah 200gōa-lâng liáu tō bô-hoat koh kè-siok sok-sin kiám-pûi, tú-chiah kohsiah kúi ê liáu, tō bô siáⁿ-lâng siūⁿ beh siah--ê. "iáu pàng bē lî ê tāi-piáu lí chit-chūn koh su-iàu i" hó--lah, seng án-ne, sî-ki nā kàu, tō ē-tàng toān--ah. Hoān-sè bô kiám hoán ke mā ū khó-lêng, góa sī kiaⁿ--tio̍h bô siūⁿ beh--ah, kiám-hoat jîn-seng, eng-kai ke-khah khùiⁿ-oa̍h... sûi-iân, góa lóng hó...

朋友厝裡 ê WiFi 暗號 (密碼) 是 「976103987102」 我問伊：「暗號lò-lò長 你記會起來？」 伊：「九九合數 (乘法) 你會曉--無？」 我：「會啊」 伊： 「若按呢你已經背起來--矣」 我：「hăⁿ？Khàu-iau！閣有影！」 網路看著--的，kā譯做台文。