Tân tōa-ko ê kò-pia̍t hôe-sióng

Hoat-kak m̄ chai gōa-kú bô chhut-khì chhit-thô--ah. Tû-liáu lō͘-iâⁿ, téng piàn góa sim-chêng hó sī khì kò-pia̍t-sek...

Chiok sîn-kî, iân-hūn chhián-po̍h ê pòaⁿ chheⁿ-hūn-lâng kèng-jiân tī i koan-bo̍k kng chhut-lâi hit sùn-kan, hō͘ góa ba̍k-sái lâu, i kui-sin lóng sī jîn-seng ê tì-hūi. 

Tī hia siōng chi̍t khò jîn-seng tì-hūi ê khò, chiâⁿ chhim, m̄-koh soah iōng siōngkán-tan ê tō-lí kónghō͘ lâng chai. 

Kò-pia̍t-sek khòaⁿ khí-lâi liōng-lok 80 lâng, lâng-sò͘tú-tú-á hó, khin-sang koh chū-chāi ê kò-pia̍t-sek, tō chhan-chhiūⁿ i hō͘ tī gún bīn-thâu-chêng ê bô͘-iūⁿ, chóng--sī tài hō͘ gún hiah-nī-á chū-chāi ê sî-kong.

Ji̍t iā khong

goe̍h iā khong

chiok se̍k-sāi ê soân-lu̍t, chi̍t-sî iáu sī siūⁿ bē khí-lâi sī siáⁿ-mih koa, chin hoaⁿ-hí koh ū chi̍t tiâu koa sī iōng Tâi-gí lâi chhiùⁿ--ê.

TÂN TOA-KO kiò só͘-ū lâng m̄-thang kiò i lāu-su, kiaⁿ ē su. Sui-jiân lí lóng iōng Tiong-kok-ōe kà-chheh, m̄-koh lāu-su kiaⁿ ē su, che sī Tâi-gí su-khó chiah ū ê lí-lō͘. Seng sī Tâi-oân-lâng, sú iā sī Tâi-oân-lâng. Hoān-sè, che chiah-sī góa só͘ kám-tōng lâu lo̍h-lâi ê ba̍k-sái.