Beng-chin

路lih聽tio̍h小學生咧開講，一个囡仔kā另外彼个講笑詼，感覺趣味kā記錄一下： 『什麼動物不開車？是石虎。    因為石虎台語是Chio̍h-hó͘，「Chio̍h-hó͘不開車」』 我叫借問咧(gemini)kā我鬥畫圖。毋知欲畫啥，就畫pà-niau好矣。Nā chio̍h-hó͘無駛車，按呢豹貓就來駛。(無好笑XDD)

Hiah拄好，我無咧投稿，嘛無咧創作chok-phín，ûi二ê作品，lóng 是刊佇高雄 ê 刊物內底，冊皮的色水風格閣欲仝á欲仝。 我果然是高雄 ê 查某囝(？)🩷 多謝高雄對我 ê 疼痛🥹🥹🥹🥹🥹

自家露台 ê 產物 Ang本底想講是雜草，竟然是 日光賜福 ê 芫荽，hiah 大欉～ Ē-tàng hō͘ ke-á-kiáⁿ bih-hō͘( ￣▽￣)σ

【台灣意識佇咱日常生活中】 下課了，我在收拾東西。A班同學回教室聽到我和B班同學閒聊。 A同學：『老師都跟你講台語喔？！』 B同學：『因為老師上台語課。』 我：「我上台語課會講台語，毋過我日常生活嘛講台語。」 A同學：『為什麼？』 我：「In-ūi lán sī Tâi-oân-lâng--ah ：）」 A同學：『老師你哪裡人？』 我：『不管我住哪裡，只要住在台灣的都是台灣人啊，我現在住台中。』 A同學：『在台灣的就是台灣人。』 我微微笑，繼續趕下一堂課 : )

Chiàu-sio Hoe-hui 解鎖 -- Thâu-chi̍t kái chhú-lí hoe-hui, chiah chai i ê sek-chúi sī gîn-sek tò siám-sih ê nâ, siám-sih ê nâ téng-bīn koh ū hái-pho-lōng hoe-chháu kah pà-niau-hoe-tiám. Súi kah！ Góa kā cc kóng sī i kah-ì ê nâ, bo̍k-koài i hiah ài chia̍h hoe-hui. -- 1phìⁿ pòaⁿ-bóe, 2phìⁿ99kho͘ Papa mn̄g góa khah chió chú hî-á hō͘ i ê sió-chêng-jîn ài chia̍h, CC k-ài chia̍h hoe-hui, khòaⁿ góa beh chú--bô. Chú hî-á lóng ē ū chhàu-chho-bī, góa khah bē ài chú. M̄-koh kú-kú-á chú chi̍t piàn iáu ē-sái--tit. -- Góa ê sió-chêng-jîn chêng chhut-sì iáu bē-hù phō tio̍h tō tòa ji̍p-khì pó-un-siuⁿ, 3kang? Kòe liáu bú-á-kiáⁿ thâu chi̍t piàn kìⁿ-bīn, góa tú-hó leh chia̍h tàu lim hî-thng. Siūⁿ kóng chit ê eⁿ-á tùi a-bú thâu chi̍t-ê khì-bī ê kì-tî kám ē sī hî-á ê khì-bī(?) chì-chió chit-chūn bē thó-ià chia̍h hî-á, án-ne tō hó.

Hong-siu Sin-chhù ê sió-sió lō͘-tâi, ang kā 1tang í-lâi it-ti̍t tiông-ho̍k tio̍h-thâng ê koan-kéng si̍t-bu̍t chhú-lí tiāu. Kan-ta kā tho-má-toh hē ji̍p-khì, tō ka-kī puh chin-chē íⁿ-á chhut-lâi. Ta̍k-kang kā ak-chúi, chū-jiân ê ji̍t-kong, kam-á-bi̍t tō hoat kah pí téng-lâu--ê chē koh tiⁿ. Téng-lâu--ê chiò bô sáⁿ ji̍t-thâu koh tōa-hong put-sî chhoe...Chin-chiàⁿ pháiⁿ chèng-choh. Hong-thâu Chúi-bóe tō sī án-ne. Tō í-keng jīn-ióng tio̍h--ah, ang mā sī tiām-tiām-á chéng-lí téng-lâu ê chhài-hn̂g. Sui-jiân hoat kah chin bān, m̄-koh  khòaⁿténg lâu hoat chhut-lâi--ê sî, mā sī chiok hoaⁿ-hí. Tû-liáu pún-té tō ū ê hiam-chio-á, chiap-ki ê káu-chàn-thah, khah hó-chèng. Chit-má iân-sui mā chin hó chèng. Siōng gâu--ê sī ùi chéng-chí khai-sí chèng, koh tán i khui-hoe kiat-chi, kā iân-sui ê chí lâu--lo̍h-lâi. Chia-ê khang-khòe goán lóng bô bak tio̍h chhiú. My ang, si̍t-chāi chiok téng-chin, chin gâu chin ū nāi-sim, chin lī-hāi❤️

Cc jī-chhiú chhī-á bé tńg--lâi ê thò͘-á ū phòa-khang, kiò góa tàu thīⁿ. Thīⁿ--leh thīⁿ--leh, siūⁿ khí sè-hàn hō͘ a-bú liām kóng bē-sái iōng tò-chhiú, ē hông mē. Āu-lâi góa iáu-sī kái bē kòe--lâi, bô iōng tò-chhiú, góa tō chò bē hó-sè. Ûi-hoán thian-sèng, kám chiâⁿ-si̍t khah hó? Góa iau-sí khah kah-ì, chū-iû chū-chāi... -- Koh ū sió-ha̍k chhut-khì chhit-thô hām tông-o̍h chò-hóe hip-siòng, mā hō͘ a-bú liām kóng kòe-khì sī-tōa ē kóng bē-sái khiā tiong-ng, tiŏng ê lâng ài taⁿ--ê sī i siang-keng nn̄g pêng só͘-ū lâng ê tāng-tàⁿ. Sè-hàn iáu thiaⁿ bô, chit-má siūⁿ khí-lâi, kám sī kah pe̍h-sek khióng-pò͘ ê su-ûi ū koan? Góa siūⁿ ke-kiám sī ū--ê....

增加chêng-sû價值 ê 小hùi物，又閣增加囉！ 學校逐年尾舉辦二手市仔，cc已經會曉刣價🤣(sió-hóe-bé pún-té bē 10kho͘, i kóng 10kho͘ siuⁿ kùi, kâng tàⁿ--ê pa̍t chiah hiah tōa chiah mā 10kho͘, thauk-e tō sǹg 5kho͘ hō͘cc--ah🤣🤣 chin-chiàⁿ thn̂g tio̍h lāu-pē gâu sǹg siàu ê kò-sèng neh😆) 倒手爿按呢 ê 價數，趁著ah。kóng chhun 19kho͘ chîⁿ bô-kàu, the̍h pún-té tī chhī-á bé tio̍h ê 5kho͘ pokemon chòkau-e̍k. Thâu-ke tông-o̍h tō tah-èng--ah (Èng-tong sī iú-chêng-kè?) 伊講彼隻兔仔足古錐，阮兜閣加一隻兔仔好朋友囉😅😆🤣 gō͘-nî-á. Koh chhun 1tang tō pit-gia̍p--ah. Āu-pái kám koh ū hiah hó sńg ê hāu-hn̂g jī-chhiú chhī-á leh?🤔🥹🥹 (chia--ê lóng-chóng 120kho͘)

Kin-á-ji̍t tú-tio̍h kàu-chi tông-sū, i kóng chit keng ha̍k-hāu gín-á chin-chiàⁿ pháiⁿ iang-kà. Khò-pún ha̍k-kî iáu-bē kiat-sok bē-chêng-bē tō phàng-kìⁿ, kau-tài chok-gia̍p m̄-siá, lâng heng-tōa hù-lông--ê tō sǹg kóng kāng-khoán phî, m̄-koh kau-tài ê siok-tê mā sī ē koai-koai-á kau, liân thé-io̍k-pan ma-si！！！ Koh chi̍t piàn hông an-ùi. thiaⁿ-kóng pa̍t hāu ê lāu-su beh chhōe pún-thó͘-gí lāu-su, nā thiaⁿ tio̍h gún ha̍k-hāu, tō ē kóng, in ê ha̍k-seng khah koai^^" Hó--lah, góa thui tio̍h chhiam-ông, beh lâi bôa góa ê kang-hu, chia̍h-khó͘ tō tòng-chò chia̍h-pó͘ tō hó. Góa ē jú chò jú hó！(Ka-kī po.)

『Niau-mi lāu-su lí ū-sin kúi kò goe̍h--ah?』 『Góa bô ū-sin, góa sī khah tōa-kho͘ niā.』 『Góa siūⁿ kóng lí ū-sin--ah』 it-poaⁿ lâng hō͘ lâng án-ne kóng eng-kai ē bô hoaⁿ-hí? Góa sī hoaⁿ-hí lāu-su ē-tàng chū-jiân án-ne kā góa mn̄g. Góa khak-si̍t piàn tōa-kho͘--āXD  M̄-koh pún-lâng mā bô beh kiám-pûi ê ì-sùXD Nā chiâⁿ-si̍t ū-sin m̄ chai ū gōa hó. Góa siūⁿ beh ài ū chin-chē góa kó͘-chui ê gín-á : ) kin-á-ji̍t kóng Tân Têng-pho ê《Tì bō-á ê cha-bó͘ gín-á》, chin hoaⁿ-hí lāu-su siūⁿ beh kóng chit pún chheh, hō͘ gín-á chò oa̍h-tāng. Kóng 228, ùi lán ê ji̍t-siông seng-oa̍h chhut-hoat.

Poan lâi sin-chhù mā 1tang pòaⁿ--ah. Lio̍h-á khoán--kòe tō koh hē--leh. Cha-hng seng ùi chiⁿ kah í-keng bô lō͘ ê chheh-pâng khai-sí chéng-lí kui mê, ū khah chéng-chê tām-po̍h-á. cc pâng-keng kah góa pêⁿ khióng-pò͘, kóng beh kah i chò-hóe chéng-lí i kóng chiok mâ-hoân, oân-choân bô siūⁿ beh chéng-lí. Kin-á-ji̍t khì Daiso kā bé sin chhit-thô-mi̍h, nn̄g chiah sè-sè a̍p ê tōng-bu̍t chō-hêng thia̍p-á (Lego hit khoán hêng--ê), chìn-chêng bat sńg kòe, 100 kho͘ ū chāu tō ē-tàng ka-kī cho͘-ha̍p chiok kú, pí khì gōa-kháu siōng-khò sio̍k XDD chiáu-á tàu hó-sè ū-kàu kó͘-chui, m̄-koh ū lêng-kiāⁿ ài góa kā pak lo̍h-lâi, beh khì i pâng-keng the̍h lego ke-si thâu-á, tō khai-sí tāng-chhiú kā chéng-lí, chò chóa-siuⁿ-á thoah-á hō͘ i, koh kā kòe-khì góa kah i o͘-pe̍h chiⁿ ê chi̍t pō͘-hūn tû-á, tiông chéng-lí kòe, ta̍k-piàn leh chéng-lí góa lóng ē chi̍t hāng chi̍t hāng khak-jīn, khòaⁿ khoàⁿ leh koh siu khí-lâi, chiok bô hāu-lu̍t...= =" thiaⁿkóng m̄-kam toān sià lî ê chiok gâu siu mi̍h-kiāⁿ, góa siūⁿ g...