Ka-chài tòa se-keng chhù, pek ka-kī chéng-lí

Poan lâi sin-chhù mā 1tang pòaⁿ--ah. Lio̍h-á khoán--kòe tō koh hē--leh.

Cha-hng seng ùi chiⁿ kah í-keng bô lō͘ ê chheh-pâng khai-sí chéng-lí kui mê, ū khah chéng-chê tām-po̍h-á.

cc pâng-keng kah góa pêⁿ khióng-pò͘, kóng beh kah i chò-hóe chéng-lí i kóng chiok mâ-hoân, oân-choân bô siūⁿ beh chéng-lí.

Kin-á-ji̍t khì Daiso kā bé sin chhit-thô-mi̍h, nn̄g chiah sè-sè a̍p ê tōng-bu̍t chō-hêng thia̍p-á (Lego hit khoán hêng--ê), chìn-chêng bat sńg kòe, 100 kho͘ ū chāu tō ē-tàng ka-kī cho͘-ha̍p chiok kú, pí khì gōa-kháu siōng-khò sio̍k XDD

chiáu-á tàu hó-sè ū-kàu kó͘-chui, m̄-koh ū lêng-kiāⁿ ài góa kā pak lo̍h-lâi, beh khì i pâng-keng the̍h lego ke-si thâu-á, tō khai-sí tāng-chhiú kā chéng-lí, chò chóa-siuⁿ-á thoah-á hō͘ i, koh kā kòe-khì góa kah i o͘-pe̍h chiⁿ ê chi̍t pō͘-hūn tû-á, tiông chéng-lí kòe, ta̍k-piàn leh chéng-lí góa lóng ē chi̍t hāng chi̍t hāng khak-jīn, khòaⁿ khoàⁿ leh koh siu khí-lâi, chiok bô hāu-lu̍t...= ="

thiaⁿkóng m̄-kam toān sià lî ê chiok gâu siu mi̍h-kiāⁿ, góa siūⁿ góa khai-sí ū chit chióng kám-kak--ah. Chiⁿ kah chat-thóng-thóng koh pîn-tōaⁿ piàⁿ-sàu...^^bbb

kin-á-ji̍t khì chia̍h hó-liāu liân-sòa 3lé-pài chia̍h ài-bé sin-khui ê hân-sek liāu-lí tiàm tiàm-miâ Hân-kok-jī góa khòaⁿ bô m̄ chai kiò siáⁿ. Hoâiⁿ-ti̍t chóng sǹg ùi chhiū-thài-ló ōaⁿ kàu i tui-bin ê tiàm--ah.

cc kóng i siūⁿ beh kā khóng-chhiok ham-á khak chah tńg khì, góa kóng chéng-lí pâng-keng tō ē-sái. Papa kanta thiaⁿ tio̍h kóng beh chah pùn-sò tńg--khì, kóng: Lí mài pek góa bé thàu-thiⁿ-chhù, lín hia ê mih-kiāⁿ góa si̍t-chāi tòng-bē-tiâu.

Góa tō sûi tiām--khì.

Góa kah-ì chit-má ê chhù, sui-jiân sè keng, m̄-koh tú-hó pek góa ē-tàng toān-sià-lî.

"ka-chài gún tòa se-keng chhù" -pêng-iú kóng i khòaⁿ chit pún chheh liáu chiâⁿ ū kiōng-bêng. Góa m̄ bat khòaⁿ kòe, m̄-koh siū i éng-hióng, góa mā kám-kak chhù sè keng tō hó, ah-bô beh piàⁿ-sàu ē kā góa bú--sí.

Khó-lêng sī án-ne, bô siūⁿ beh tòa thàu-thiⁿ(?), tō piàⁿ-sì khoán ka-kī kah cc ê pâng-keng. (Mā hó chéng-lí--ah, ka-kī mā tòng-bē-tiâu loān-kah pí góa sè-hàn ê pâng-keng khah loān XD)

chiok-thiám, m̄-koh khoán liáu sim-chêng ke khah hó, siūⁿ tio̍h chiah khoán 1/20 ê chi̍t ê sèsè ê kak-á, bo̍k-koài cc bô siūⁿ beh bīn-tùi... Góa kāng-khoán kā khoán kui mê...Nā bô io̍k-bōng tō bián hiah thiám, m̄-koh cc kah góa lóng sī chiok sioh-chêng ê lâng, papamā sī i chai i kò-sèng kui-khì kiám-chió chia ê pùn-sò ê ki-hōe, tō bián hiah thiám XD

ū sîn tūi-iú, si̍t-chāi chiok hó. góa kè-sio̍k phah-piàⁿ , khòaⁿ ē piàn sîn tūi-iú--bô...(*¯︶¯*)