「飼一个囡仔需要規庄ê力量」

Chin感謝復興教會，提供一个hō͘台灣話囡仔 ê 純台語空間，用咱數百年ê台灣話，予大人囡仔做伙學習手語、音樂、數學、台灣學。

嘛感謝遠路來到台灣人學校、逐禮拜1逝路ài 1～2點鐘路程 ê 家長，𤆬囡仔來chia，用心準備課程kā逐家箍做伙，學習各種溫柔堅持 ê 精神，用咱 ê 台灣靈魂kā台灣囡仔栽做伙晟養大漢。

「飼一个囡仔需要規庄ê力量」

台灣人心靈受中國文化thún踏，對囡仔bô講台灣話。按呢，咱箍做伙，家己來講，家己來教，互相相楗，互相支持。感謝每一个對囡仔講台語 ê 你。咱每一个，lóng是台灣精神。