Chiong-hòa tâi-tiong ê "un-chha"

Kin-á-jit khì chiong-hòa chhiong-tiān, thàu-chá 7tiám gōa chhut-mn̂g, khiâ 40huncheng ê chhia-têng kàu Hô-bí.

Góa lâng chi̍t-ē kàu o͘-ji̍t chiong-hòa kau-kài, sûi kám-siū khì-tiûⁿ thong-thàu, sim-chêng sûi tòe leh chheng-sóng. Sim-lāi mā sûi phû chhut chiâⁿ-si̍t ê kám-siū: Tâi-tiong khak-khak-si̍t-si̍t hoān-tio̍h tē-kài, khì-tiûⁿ oân-choân sī siū sok-pa̍k kah pháiⁿ-mih-á u-jiám--kòe--ê.

Kî-si̍t góa tùi Chiong-hòa it-ti̍t lóng chin chheⁿ-hūn, tō sǹg kúi-nā ê góa kah-ì--ê Tâi-gíhó-pêng-iú lóng Chiong-hòa-lâng, góa tùi chit ê siâⁿ-chhī iáu-sī chiok chheⁿ-hūn--ê chheⁿ-hūn. M̄-koh kiàn-pái lâi kàu Chiong-hòa lóng hō͘ góa chiok pêng-chēng koh chhin-chhiat ê kám-siū.

Siūⁿ khí siăn-pái kóng lán Tâi-oân loān-loān ê ke-lō͘ kéng-koan, he chiok súi--ê góa mā sī án-ne kám-kak. He tō sī lán Tâi-oân.

Chit-má góa tòa ê peng-léng ê siâⁿ-chhī, ta̍k hāng lâng-kang ê chéng-chê, bô-chêng kah hō͘ góa khí-mo͘ ū-kàu bái--ê bái...

Ji̍t-pún chéng-chê, soah ū un-tō͘, ah Tâi-tiong....Kám-kak chin bô tùitâng....

Chí-sī siūⁿ beh kóng khì tiûⁿ hit-tōaⁿ. Bô kì, sûi bē-kì-tit.... Senglâi hioh-khùn.

(Kám-siā pêng-iú ê chiau-thāi, hó chia̍h ê sò͘-si̍t tiàm,hēng-hok❤️)