M̄ sī lô-kang ê lô-kang-chiat, góa leh chò kàu-chi kà-chheh

Him-siān, kin-á-ji̍t hā-pan tńg kàu chhù, khòaⁿ  tio̍h keh-piah chhù-piⁿ gin-a sī tòa tī hù-kīn ê a-má kā chiap tńg chhù. Kóng pē-bú khì peh-soaⁿ. Góa iáu leh siūⁿ kóng thài hiah hó choan-kang chhéng-ká...

Bīn-chheh khòaⁿ tio̍h 1 ê bāng-iú kah ang khì iok-hōe chiah lōng-bān ê e-po͘-tê, mā kám-kak chiok hó--ê. Khòaⁿ kàu tē jī cho͘ ang-á-bó͘ iok-hōe, chiah hoat-kak, ah！Goân-lâi kin-á-ji̍t lô-kang-chiat, in pàng-ká---lah. M̄ sī choan-kang chhéng-ká...

Góa ho͘h, ná-chhiūⁿ kah ang sī thâu chi̍t piàn sio-siám-sin. Gín-á chhut-sì liáu, tō-sǹg ang lô-kang-chiat, gún mā lóng leh bô-êng ka-lāi-su. Gín-á sàng ha̍k-hāu, gún khì khòaⁿ chhù, gín-á sàng ha̍k-hāu, gún khì tōa bē-tiûⁿ pó͘-hòe.

Cha-mê ang mn̄g góa kin-á-ji̍t kám ū hioh? Góa oân-choân bē-kì-tit lô-kang ū pàng-ká ê tāi-chì, m̄-koh góa sī kang-tho̍k-seng, bô pàng-ká lah. Tō-sǹg ū, kin-á-ji̍t eng-kai ē cháu Kok-sòe-kio̍k. Kū-nî bē chhù sòe-kim khioh kah 30bān...Ang kóng ài cháu Kok-sòe-kio̍k pān tiông-kò͘ thè-sòe. Kiaⁿ tó-lâng, góa chi̍t nî to bô thàn hiah chē koh...

Ài kè-kàu, chiah ē hó-gia̍h. M̄-koh, ang ùi kok-tiong tō leh chò kang-tho̍k-seng, sī kan-khó͘ gín-á, bô chîⁿ ê ji̍t-chí án-chóaⁿ kan-khó͘, i siōng-kài chheng-chhó...