Gōng-lâng bē tio̍h pēⁿ

Kiáⁿ kin-á-ji̍t khí-lâi sau-siaⁿ ka-sàu nâ-âu-thiàⁿ, i kóng beh chhéng 2 chiat khò chiah ji̍p-hāu.

E-po͘ hā-khò kóng i chiok khó-liân, tiong-tàu kan-ta chiah pn̄g kah 1 hāng chhài, kî-thaⁿ ê lóng sī kòe-bín khiūⁿ-chhùi mài chia̍h--ê. Kóng i beh iau--sí--ah, tī tōa-bē-tiûⁿ bé chia̍h--ê i mā kéng chiok kú, kiaⁿ ta̍h tio̍h âng-sek si̍t-bu̍t koh hō͘ i kòe-bín ok-hòa...

Kám-mō͘ koh kòe-bín, chin khó-liân.

Tú-chiah papa kiò i liōng-chá khùn, ah-bô ta̍k-kang khùn bô pá-bîn aiaikiò.

Góa kóng i sī kám-mō͘.

Papa kóng kám ē sī liû-kám.

Góa chi̍t-ē châ loeh, kiáⁿ kóng i kui-sin-khu sng-thiàⁿ. Ah hāi--ah, khó-lêng sī...

Nā chhù--lih ū lâng koh-iūⁿ, papa tō kám-kak ka-kī mā tio̍h-pio.

Góa kóng khó-lêng góa téng-lé-pài-sì ji̍p-hāu chah --tńg-lâi--ê liû-kám, gún 1pan 20 ê gín-á chóng liû-kám chhéng-ká.

Būn-tê sī góa bô chèng-thâu...

Góa án-ne eng-kai m̄ sī góa.

Papa: Gōng-lâng (『pùn-tán』) bē kám-mō͘.

(Góa sim-lāi siūⁿ, án-ne kóng mā ū lí ho͘h, góa pún-té tō hiō-ti hiō kak, ta̍k hāng tō bān pat-lâng kúi-nā-pō͘ chiah tòe ē tio̍h liû-hêng...XD)

ta̍k-ke sin-thé kiān-khong, ài pêng-an！