咱講台語，就是咧創造台灣人的歷史，咱唱台語歌曲，就是咧創造台語文化。
咱講台語，就是咧創造台灣人的歷史，咱唱台語歌曲，就是咧創造台語文化。
--
昨昏轉高雄無轉厝揣老爸，顛倒是老爸來揣我，問我是上啥課，足歹解說，橫直，對阿爸來講，我攏是咧上"台語課"。
台語是我 ê 爸母話，我祖公媽 ê 話，生囝育囝，拄著一陣對囡仔講母語足有意識 ê 朋友，就漸漸蹽落去。
到今，我 ê 台語猶是講kah袂輾轉講kah臭奶呆，毋過，有當時仔講講咧就會想起爸母時，想著阿公阿媽猶佇咧hit時 in 對我講 ê 聲音。
台語，確確實實，就是爸母話無毋著除了阿媽講足濟話，閣來我頭殼內的台語記憶上濟的就是阿爸，是阿爸ê台語共我飼大漢的。
咱若無對囡仔講台語，干焦講中國話，按呢伊袂曉咱 ê 祖公媽話，就是一个外國人。
真感謝我 ê 囡仔 予我勇氣，予我開喙講台語，予阮用台語生活，這是咱 ê 文化 咱 ê 根，無用台語生活，我會毋知，我是啥人。
感謝我 ê 老爸猶佇咧，來陪伴我，予我咱土地 ê 溫暖♡
留言
張貼留言