Siōng àu-kó͘ ê pió-á

Cc chit lia̍p pió-á bô siáⁿ leh kòa, i lóng khǹg piān-só͘ hō͘ i ka-kī khòaⁿ súi. Cha-hng Lē-pó hō͘-gōa kàu-ha̍k 4 lâng 1 cho͘, i kóng kî-thaⁿ 3 ê lóng kòa tì-hūi chhiú-pió, kan-ta i ê pió-á siōng nōa(Àu-kó͘). Chhut-mn̂g papa chài--i, mn̄g kóng pió-á koh ē kiâⁿ--bô. Iáu ē kiâⁿ. Tú-hó cha-hng e-po͘ 2tiám oa̍h-tāng kiat-sok chi̍p-ha̍p beh tńg ha̍k-hāu, pió-á tō bē kiâⁿ--ah. (Pió-á mā chiok chai siáⁿ-mih sî-chūn ài kiâⁿ ài hiohXD)

Ē-kì-tit ná-chhiūⁿ sī i 6 hòe papa sàng--ê seⁿ-ji̍t lé-bu̍t. Siuⁿ kó͘-chui m̄-kam kòa, lóng khǹg chhù lih. Piān-só͘.

cha-hng kóng i pió-á siōng nōa, (góa kóng lâng he hoān-sè tì-chiōng pió-á, papa kóng cc--ê pió-á siōng iù-tī tio̍h--bo4, cc kóng tio̍hXDDD) ang-á-bó͘ lóng mn̄g kóng beh kā ōaⁿ--bô i kóng m̄-bián, i ah iōng bē tio̍h.

Góa kò-jîn sī bô kah-ì tì-hūi pió-á, kòa thoân-thóng--ê ki-hāi--ê(Góa bô ki-hāi kan-ta chio̍h-eng--ê) khah ū kám-kak.

Góa kóng hoān-sè in tông-o̍h ê pió-á koh bô CC ê kùi(Ko-kip) 

1 lia̍p pió-á, tiān-tî tòng kah 4 tang....Ū-iân hó lī-hāi neh！！！