福氣神明尪仔

福氣神明尪仔，若有看著身障人士咧賣，會使kā買一組，維持伊基本的生活。

--

捌佇網路看過相關 ê 身障人士賣神明尪仔的文章。

今仔日我佇臺中中區十字路口停青紅燈

嘛拄著1位佮下圖阿伯仝款，失去兩肢手 ê 大哥，瘦瘦有禮貌。

停紅燈，伊行過來，kā我講『一百塊』，看看咧想著伊 ê 尪仔佮這篇文章仝款古錐，就kā買1組。

我：『我看看有沒有一百塊』扲錢ê時，伊kā我講『福氣滿滿，好運來到』這類的兩句四字詞(我袂記得伊是講啥，毋過予人感覺誠平靜。

100箍欲提予伊ê時，我才發覺伊雙手攏節肢，無手通提錢，伊用伊賰ê頂手骨，比伊斜揹ê揹仔，揹仔有開一空，叫我下入去內底就好。

十字路口應該佇台灣大道hit附近，我罕得去hia路草無熟，所以無將確定的路口記落來，毋過時間是今仔日2026.3.4 拜六早起10點40分左右。交關了拄好嘛欲青燈ah。我就繼續行。

想著這件代誌，來記錄一下。嘛鼓勵逐家會當鬥捀場。若有經過台中車頭 ê 朋友就會知影，有hó跤好手--ê，毋討趁，坐佇路口khǹg一塊碗咧kā人分，閣毋但一个人按呢咧kăng分。這位靠家己徛路口賣神明尪仔咧維生--ê，值得kā支持一下。