Làng 3nî ê sió-lú-hêng

OMG goân-lâi góan 3nî bô sió lú-hêng--ah...

Cheng ìn-siōng siōng chhim--ê, tō sī khì Kiú-chok, ùi hioh-joa̍h khai-sí tō leh tán chit kang.

Kin-á-ji̍t chhut-khì, góa kám-kak sńg kah siōng hoaⁿ-hí--ê sī góa. 

41 hòe chiah chóng sǹg ū ki-hōe thiau-chiàn tōa-nō͘-sîn kah hûn-siau-poe-chhia

(Chìn-chêng to͘-ha̍p bô tú-hó sio-siám-sin)

in pē-á-kiáⁿ bô beh sńg bô iàu-kín, góa siūⁿ góa chit piàn bô sńg, āu-pái khó-lêng mā bô ki-hōe sńg--ah.

Tōa-nō͘-sîn góa ū kah-ì, jîn-seng thâu-pái kiaⁿ kah hiòng khòng-khoah chheng-sin sóng-khoài ê thiⁿ-téng, kiò kah sè-kài tōa-siaⁿ, góa kiaⁿ-hiâⁿ ê hoah-siaⁿ, sûi hō͘ chit phiàn toa-tē chiap-siu khì. Chiok tháu-sim-khùi！ Kah-ì！

M̄-koh lo̍h-lâi, thâu-ē gōng. 

360tō͘ ê hûn-siau-poe-chhia, chū-thâu kàu bóe ba̍k-chiu kheh-kheh, siūⁿ kóng kan-ta beh sńg chhì-kek ê thé-giām, bô siūⁿ tio̍h hiah khióng-pò͘！！！

Lo̍h-lâi hiám-á beh thò͘.

Góa：Góa kin-á-ji̍t ê khò͘-tà iōng liáu--ah, bô beh koh sńgkî-thaⁿ ê iû-lo̍k siat-si--ā.

Kiáⁿ： Khò͘-tà sī siáⁿ？

Góa：Oh...Góa bē-hiáu kái-soeh....

Ang： Tō sī HP ta̍t.

 Kiáⁿ sûi thiaⁿ ū leh chhiò：Tō sī hoeh-tiâu iōng liáu--ah. XD

āu-lâi sńg tī hô-tō tńg-se̍h ê chúi-chiàn-chhia. Chiok hó-sńg！！！

Āu--lâi lo̍h tōa-hō͘, tú-hó sin bé ê hō͘-sòaⁿ the̍h-lâi iōng. Koh bé tio̍h chiok kah-ì chiok kah-ì ê mini ka-chì-á .

Hoaⁿ-hí！

(Cha-mê chiah khùn 4tiámcheng, cheng-sîn soah chin hó. Chhut-khì lú-hêng chin-chiàⁿ sī pit-iàu ê chhiong-tiān！)