所以 ê 『所』，按怎寫？

囝佮我仝款足愛thoa-soa，歇熱欲結束ah，嘛是無欲寫。

總算，開始寫作業。

閱讀2本冊ài寫心得，1本寢歇假伊就寫了ah，kā我kóng頭殼欲爆炸。

今仔日閣陪伊寫第2本。Kā我講足困難，代先ài有冊閣ài有意義...我叫伊去揀伊冊櫥佮意--ê來寫就好，ài寫大綱，袂曉濃縮，我嘛袂曉，叫伊讀予我，我先來phah-jī寫每一頁 ê 大意才閣來濃縮，伊煞倒佇邊仔死殗殗。

我嘛有我ê功課ài寫，我嘛爆炸。尾仔伊kā繪本提來開始讀予我聽，竟然用台語！這就是伊袂癮講予我聽 ê 原因，因為冊是中國語文寫--ê，ài閣經過頭殼翻譯無遐簡單。我爆炸進前就講直接華語照讀就好，咱生活佇中國，讀中國學校講中國話是理所當然，袂曉中國話(伊無法佮同窗社交)活袂落去。

(這是2025年殘酷ê實話)

無想著伊用台語講古予我聽，閣誠堅持佇伊ê家族仔面頭前前全台語予阮看。我ê寶貝，並我較堅持！

---

食暗飽，開始寫心得，ài講佮意故事ê 原因

囝：『所以』....『所以』ê『所』欲按怎寫？

我：我袂曉講，就是...派出所 ê 所。

囝：喔！我知矣！就是『戶』嘛！

我：著呢！我kan-ta會曉鬥做伙寫，拆開我就袂曉。

囝：另外一爿是「Kin (斤)」。

我：閣有影XDDD

囝：這毋是足簡單，連這嘛袂曉！

我：XDDDDD