Ī-kok ê ang-á-bó͘ beh chò pē-bú--ah.

Kin-àm chiong chek-leng-khì (Chho͘chho͘ chò lâng a-bú beh chek-leng hō͘ eⁿ-á lim ê ki-khì) sàng-chhut

10nî-chêng chí-à sàng--góa--ê, 2009nî chè--ê, hit-sî mā sīkúi-nā-chheng kho͘ bé--ê. Chit-má iōng-bē tio̍h--ah. M̄-kam, mn̄g chí--à kám ū pêng-iú thang hó sàng, in kóng bô, jī-ché kóng nā ē-tàng tī bāng-lō͘ sàng-chhut iân-sio̍k mi̍h-kiāⁿ ê kong-lêng, tō ū kè-ta̍t--ah.

chòe-kīn hoat-hiān Tâi-tiong ū liōng-siōng-mi̍h chēng-sàng ê siā-thoân,chia̍h--ê iōng--ê, ka-kī iōng bē tio̍h--ê, siáⁿ-mih sí-lâng kut-thâu lóng ē-ēng-tit sàng, bat khòaⁿ tio̍h ūlâng chhù beh hoan-sin, sàng a-lú-mih mn̂g, koh ū kui-cho͘ ê bián-tī bé-tháng(Kòa bé-tháng chō ài ka-kī thiah, koh kúi-nā ê lâng kóng ē-sái ka-kī lâi thiah！)

góa chiong mi̍h-kiāⁿ pho͘-bûn, ta̍k-ji̍t ê bûn-chiuⁿ chiok chē, bô siūⁿ tio̍h koán-lí-goân ta̍k-phiⁿ lóng ē sím-he̍k, si̍t-chāi chiok ū sim！

Sím-he̍k thong-kòe pho͘-bûn chhut-khì 10kúi hun tō ū chi̍t ê Oa̍t-lâm súitang-tang ê me-á lâi lâu-ōe. Kóng bîn-á-chài beh lâi tú-hó góa bô tī-leh, tán kúi kang bô èng, kin-á-e-po͘ mn̄g i koh beh--ài--bô, chia̍h-pn̄g sî-kan 7tiám lîm-sî mn̄g kóng kám ē-sái lâi the̍h. Kiat-kó lâi--ê kan-ta in ang, thiaⁿ i kóng-ōe m̄ sī Tâi-oân-lâng mā m̄ sī Tiong-kok-lâng.

Í-hāTiong-kok-gí tùi-ōe：

：Lí mā sī Oa̍t-lâm-lâng?

：Tio̍h, i (In Bó͘)ū kā lí kóng?

：Góa khòaⁿkò-jîn tóng-àn ^^

(iau-chhiáⁿ lâi tōa-thiaⁿ chē, beh kái-soeh ki-hāi án-chóaⁿ iōng)

：Lí ùi tó-ūi lâi? (Tōa-tō͘) án-chóaⁿ lâi? (Khiâ-chhia) oah！án-ne ū chi̍t té-á lō͘ . (Tio̍h, thiaⁿ kóng lí bîn-á-chài bô tī--leh, góa kin-á-ji̍t hā-pan tō kòe--lâi--ah)

：Thâu chi̍t-ê gín-á? (Tio̍h, chin-chē m̄ bat) 

：Seⁿ-ah, ah-sī iáu-bē?(Iáu-bē) kúi kò goe̍h--ah? (Chiok tōa--ah, 10goe̍h beh seⁿ) oah！ Teh beh seⁿ--ah!

：Lín tī Oa̍t-lâm ah Tâi-oân se̍k-sāi？(Oa̍t-lâm, góa seng lâi Tâi-oân, i kū-nî chiah lâi Tâi-oân)

：Lí lâi Tâi-oân k-gōa-kú--ah?(Chhit tang) 

i ê chhit kóng-bô chheng-chhó, mām̄ sī chin gâu piáu-ta̍t, m̄-koh sǹg chingâu kóng--ah.

Chhah tiān hō͘ i khak-jīn ki-hāi kong-lêng bô būn-tê.

：Góa ê gín-á chiok tōa-hàn--ah, eⁿ-á iōng phín lóng sàng chhut--ah, chhun chi̍t kóa chhit thô-mi̍h, sió the̍h chhut-lâihō͘ khòaⁿ, khòaⁿ i leh chhiò.

 (Eng-kai ū kah-i, chim-chiok khòaⁿ tio̍h i ê bīn kah chhēng-chhah, lâng iân-tâu, mā chiok chheng-khì-siu, chiâⁿ ū lé-māu kah khì-chit, in bó͘ ê siòng-phìⁿ mā chiok súi, kin-pún ē-tàng chò bêng-chheⁿ hit khoán ê！ )

mi̍h-kiāⁿ beh kau hō͘ i chìn-chêng, i koh hó-lé-á kā chek-leng-khì siu ji̍p-khì chóa a̍p-á. Ū chit khoán ang, chin sī hēng-hok！

Kin-á-ji̍t sui-jiân kóng Tiong-kok-ōe, m̄-koh tú tio̍h án-ne ê ī-kok siàu-liân-lâng teh-beh chò pē-bú--ah, sim-lāi thè in hoaⁿ-hí！