Sim-sin-kho khòaⁿ pēⁿ

Sin-sim-kho í-keng khòaⁿ chhiau-kòe pòaⁿ-nî, kin-á-ji̍t khùn kòe-thâu, khah òaⁿ kòa-hō, tian-tò bô tán chiok kú. 

Sim-chêng bē-bái, koh chah chheh khì khòaⁿ. Kin-á-ji̍t, chiah chù-ì tio̍h hāu-chín ê hoān-chiá. Pah hun pah sī lú-sèng...

Chìn-chêng lâi khòaⁿ chín, eng-kai sī ū lâm-sèng(?) kì bē khí-lâi--ah. M̄ koh pôe tī khan-chhiú sin-piⁿ lâi kòa-hō ê a-peh--à góa ū ìn-siōng！

Koh chi̍t piàn tn̄g tio̍h thui-chiàn góa lâi chín-só͘ ê pêng-iú, pôe in lāu-bú lâi khòaⁿ pēⁿ.

In-ūi úi-khut lóng ka-kī taⁿ. Bô kā ka-kī ê sin-thé chiàu-kò͘ hō͘ hó. Sian-siⁿ khui io̍h-á hō͘ góa sin-thé chiām-chiām hoe-ho̍k pún-té ê kong-lêng. 

Kah chŏ kiáⁿ kóng sńg-chhiò, góa sîn-keng ū būn-tê leh chia̍h io̍h, góa chin-chiàⁿ sī tio̍h sîn-keng-pēⁿ : )

Koai-koai phòe-ha̍p choan-gia̍p sian-siⁿ ê kau-tài kah àn-sî chia̍h-io̍h. Hō͘ góa hoe-hok kah chiâⁿ hó-sè. Mā kám-siā chi̍t lō͘ pôe-phōaⁿ góa ê sim-ài--ê, to-siā lí. 

Chēng-chēng pôe-phōaⁿ góa, tiām-tiām hō͘ goa chi-chhî, góa chiah ē-tàng hoe-hok kah chiah kín.