An-hioh, koh chài-seng

Kin-á-ji̍t m̄ chai kám sī chia̍h m̄-tio̍h io̍h, kui ji̍t siāntauhsauh. Cheng tùi chú chia̍h ū chhù-bī, nā bô chit-má pài gō͘ tùi i lâi kóng, siōng ngē-táu. Pàng-o̍h koh ài kóaⁿ khì Tâi-oân-ha̍k.

Góa mā m̄ chai sī án-chóaⁿ, kám-kak lî ta̍k-ke jú lâi jú hn̄g...

Cha-hng tńg--lâi kè-sio̍k kóaⁿ kang, chhōa Cheng  khì hō͘ i-seng khòaⁿ, hāu-chín góa koh leh kóaⁿ kang. Tńg--lâi kè-sio̍k kóaⁿ kàu 11tiám pòaⁿ...,eng-kai sī án-ne goân-khì tōa sit.....

"chin hoaⁿ-hí khòaⁿ tio̍h lí" to-siā Phek-tông bo̍k-su ta̍k piàn lóng iōng chhàn-lān ê chhiò-iông hoan-gêng góa.

Mā mn̄g góa kám beh ài hoe. Góa chin kahì, nā m̄ sī āu-lé-pài bô tī chhù, góa ē kui khaⁿ poaⁿ tńg chhù.... 3 lúi mûi-kùi kah pek-ha̍p, tútú hó, khǹg tī toh khòaⁿ súi. Sùn-kan sim-chêng mā tòe leh bí-lē khí-lâi. 

Chin kú bô chhēng choân o͘, chòe-kīn sim chêng kah lêng-liōng kah kē, siūⁿ beh chhēng o͘-saⁿ. Tú-tú hó, mā chiap-siu tio̍h TânOánchâi tiúⁿ-ló  kò-pia̍t lé-pài ê hoe. Thiaⁿ kóng hiànsi sī 630<tī m̂ lāi ū chi̍t lúi súi-hoe>

Ki-tok-kàu tùi góa lâi kóng iáu-sī chin hn̄g. To-siā Bí-su, to-siā Phek-tông, to-siā kiōng-ha̍k ê pêng-iú kah gín-á. Hō͘ góa khòaⁿ tio̍h Tâi-oân un-jiû kian-chhî koh chhin-chhiat ê cheng-sîn, it-ti̍t lóng tī leh.

An-hioh, koh chài-seng.