【Chhòng】Hō͘ to liô--khui ê âng-mûi-kùi

[Chhòng-chok] Góa chiog góa ê sim-chōng ó͘ chhut--lâi, siang-chhiú kā sim-chōng phóng--leh, bak kah hoeh-saisai, âng-sek ê ba̍k-sái, ùi chhiú-phāng chha̍p-chha̍p-tih.

Lí ê hoán-èng, kah góa siūⁿ--ê oân-choân bô-kâng. Lí siang-chhiú  khàm tī  sim-chōng, kā góa kóng lí mā bat khòaⁿ kòe án-ne ê sim, lí mā bat chhiūⁿ góa án-ne, chiong sim ó͘--chhut-lâi. sim tiāⁿ to̍ph chiok thiàⁿ--ho͘h. Lí hó-lé-á chiong góa ê siang-chhiú óa tńg góa ê sim-koaⁿ khut-á, kā sim-chōng hē tó-tńg--lâi. Kā góa ê thâu chhi̍h chi̍t-ē, bî-bî-á-chhiò, kiò góa hó-hó chiàu-kò͘ ka-kīê sim.

Hit-mê, góa ê sim sui-jiân tńg-lâi góa sin-siòng. thàu-mê chhian-to-bān-koah, chi̍t to chi̍t to, kā góa ê sim ta̍uh-ta̍uh-á liô--khui...