chhiú-ki-á bān-lêng

Chia̍h-àm-pá, beh chhut-mn̂g tò pùn-sò...

B：Góa beh thiau-chiàn chah chhiú-ki-á chhut-mn̂g tō hó, m̄-kò...só-sî iáu-sī chah leh hó--ah.

C：Lí nā bô hoat tō͘ khí-lâi, góa khì kā lí chiap.

(Hoâiⁿ-ti̍t lí ah m̄ sī tē it-kái bē-kì-tit chah só-sî)

Tò-pùn-sò liáu sūn-sòa chhut-mn̂g sàn-pō͘ siau-hòa, hoan-thâu beh tńg-chhù, siūⁿ tio̍h Cheng kóng--ê ōe, i sè-hàn liâm-thi-thi, chit-má 10 hòe í-keng ē-tàng lâi kā góa chiap.

Siūⁿ kóng kui-khì tī tōa-mn̂g ké-iáⁿ góa bô-hoat-tō͘ ji̍p-khì, khà line kiò i lo̍h-lâi kā góa chiap, hō͘ i chi̍t-kóa jīm-bū--leh wwwww

soàn--ah, góa ah-m̄ sī bē-kì-tit chah...

Thiaⁿ-kóng tōa-mn̂g bô hoat iōng chhiú-ki-á khui-mn̂g, chhì-khòaⁿ-māi--leh. 

Ĕ, koh chiâⁿ-si̍t bô hoán-èng, gîm chhut góa lak-tē-á ê kám-èng-liú-á, pi！tiān-thui-mn̂g kah chhù ê tōa-mn̂g lóng ē-tàng iōng chhiú-ki-á khui khui chiok sin-kî, sim-chêng chiok hoaⁿ-hí！Āu-pái kan-ta chah chhiú-ki-á, bián chîⁿ-pau-á bián só-sî, mā ē-tàng bé mi̍h-kiāⁿ, ē-tàng khui siā-khu 3 tō mn̂g-kìm  ê mn̂g (Ki-chhia tiûⁿ/ Āu-mn̂g/Tiān-thui) koh ūchhù ê tōa mn̂g si̍t-chāi chiok hong-piān！！！

B：Ka-chài ū chah chhut-mn̂g, nā-bô tō chin-chiàⁿ ài kiò lí kā góa chiap...

Tńg kàu chhù sûi kā cheng kóng， cheng soah kiâⁿ lâi góa bīn-thâu-chêng, kā góa kóng...

C： Ma-ma lí thoân sìn-sit hō͘ lāu-su. Góa bē-kì-tit chah Hôa-gí liān-si̍p-phō͘...

Cha-hng bē-kì-tit chah khò-pún tńg--lâi chhau gí-sû, góa thê khí chin tōa ê ióng-khì, thâu-chi̍t-pái siá sìn-sit hō͘ lāu-su, ka-chài lāu-su ū hôe. Liâm-mi keh-tńg-kang koh bē-kì-tit chah. (Siūⁿ chiah 1 bió...) 

góa ba̍k-chiu tùi cheng kim-kim-khòaⁿ...

Cheng：M̄ chai sī-án-chóaⁿ lóng bē-kì-tit chah Hôa-gí--ê (Cheng mā pháiⁿ-sè pháiⁿ-sè...)

góa chai lah, seng 5 nî-á khai-sí ta̍k-lé-pài ài siá 300jī chiu-kì, kiông-beh (kiaⁿ) sí--khì....(Sin-khó͘ lín--ah)

C: Sann-khòng-khòng-jī. Góa siá bē chhut-lâi. Lāu-su kiò gún siá tī ha̍k-hāu hā-khò ê tāi-chì. Góa m̄ sī tī kàu-sek, tō sī khì chhōe HN (Tiong nî-kip ê hó-pêng-iú)

B：Án-ne lí tō siá he ah.

C：Tī kàu-sek tī kàu-sek tī kàu-sek tī kàu-sek, siá 300jī. Saⁿ-khòng-khòng jī...

B：「Saⁿ-khòng-khòng-jī (3002), wwwww」

C khó͘-chhiò...

Kàu-hōekàu--ah.

C：Chiok bô siūⁿ beh siōng-khò....Chiok thiám, siōng liáu góa beh tńg.

(5 nî-á khai-sí, tû liáu pài 3 lóng kui-kang...Chin-chiàⁿ sin-khó͘...)

C: chiok hó sńg (Chò chhâ-ang-á bôa soa-chóa,  kái-ut)

B：Siáng kóng bô siūⁿ beh lâi？

C：Hó sńg, m̄-koh chiok thiám (Beh sí--ah... Góa mā sīXDDDD)

Siōng sin-khó͘--ê, sī papa, iáu leh kong-si ka-pan ka kah bô-mê-bô-ji̍t...aih, ji̍t-chí, mā sī ài kòe...to-siā lín, góa sim-ài--ê kó͘-chui--ê.